Kavita Marathi | Shiv Mazi Marathi | Best Marathi Poems

Kavita Marathi | Shiv Mazi Marathi | Best Marathi Poems :

मराठी भाषा दिवस कविता:

नमस्कार मित्रांनो, आज मराठी भाषा दिनानिमित्त मराठी रंग कडून खास माझ्या मराठीसाठी ही कविता लिहीत आहे. मला मराठी विषयी लिहायचं झालं की किती लिहू आणि किती नाही असं होतं. आज ही माझी अवस्था अशीच आहे. माझी मराठी माझ्यासाठी काय आहे आणि मराठी विषयी माझे विचार काय आहेत ते या येथे मांडण्याचा प्रयत्न केला आहे.

माझ्या साठी मराठी प्रत्येक स्वरात, प्रत्येक व्यंजनात, प्रत्येक शब्दात आहे. प्रयेक कथेत, प्रत्येक गोष्टीत आहे. माझ्या मराठीची लवचिकतेचा, तिची उत्कटता, काळाच्या ओघात तिचे होत असलेले संगोपन, असंख्य मनांवर उमटलेले दिसतात. मराठी म्हणताना मलाच माझे सांत्वन मिळते, ती मला देवाच्या कृपे सारखी वाटते.

मराठी मुळे मला, आपण एकत्र बांधल्या सारखे वाटते. अश्या बंधनात, की जे नाजूकही आहे आणि तितकेच मजबूतही आहे. त्यात आपलेपणा आहे, हास्य आहे, आनंद आहे. मराठी मुळे मी स्वतःला खंबीर अनुभवतो. माझ्या आत्म्याचे सार आहे मराठी, प्रेमाचा वर्षाव आहे मराठी, एकतेची साथ आहे मराठी.

माझ्या अंतिम ध्येयाचा दाखला वाटते मराठी, माझी स्वतःची ओळख वाटते मराठी. घट्ट मिठीतील शांतता वाटते मराठी. हृदयातिल भावनांची कलाकृती वाटते मराठी. असे वाटते कधी थांबूच नये, हे शब्द संपूच… . माझ्या भावनांना येथेच आवरतो, मी माझ्या डोळ्यातील असावे पुसतो, तुम्ही ही कविता वाचा….

Poem : Shiv Mazi Marathi

Marathi Poem on Maharashtra Marathi Bhasha | Marathi Kavita : Shiv Mazi Marathi

शिव माझी मराठी

पावसाच्या सरीत तू, उन्हाच्या भडक्यात तू,
थंडीच्या गारव्यात तू, माझ्या रोम-रोमांत तू,
तू नदीसारखी वाहते, सागरापरी फेसाळते,
तुफानासम फोफावुनी सारा आसमंत व्यापते.

अशी ठाव माझी मराठी, भाव माझी मराठी, जीव माझी मराठी, शिव माझी मराठी ।। १।।

तुझ्यात मला, माझा आवाज सापडतो.
तुझ्या सुरात रंगून मी आनंदित होतो.
सप्तरंगांच्या छटांनी तू आकाश रंगवतेस,
होऊन अस्मितेचा दिवा, एक संस्कृती जपतेस.

अशी थोर माझी मराठी, भोर माझी मराठी, जीव माझी मराठी, शिव माझी मराठी ।। २।।

गाण्याच्या सुरात तू, वीरांच्या पोवाड्यात तू,
दासांच्या श्लोकात तू, संतांच्या अभंगात तू,
कधी गावाच्या शेतात, कधी दूर माळरानात
वादळातही स्थिर उभी, रोवूनी तू मायेचा हात.

अशी श्वास माझी मराठी, खास माझी मराठी, जीव माझी मराठी, शिव माझी मराठी ।। ३।।

बाबांच्या मिठीत तू, आईच्या कुशीत तू,
विचारांच्या साथ तू, दृदयाच्या ठोक्यात तू,
तुझ्याच व्याप्तीने मी होतो ओला चिंम्ब,
तुझ्यात पाहतो माझ्या मुळांचे प्रतिबिंब.

अशी स्वार माझी मराठी, सार माझी मराठी, जीव माझी मराठी, शिव माझी मराठी ।। ४।।

आशा करतो की ही कविता तुम्हाला आवडली असेल. Shiv Mazi Marathi

इतर माहिती :

मराठी चारोळ्या	मराठी कविता	भारतीय सण

For Credit Card Apply here:

अधिक आकर्षक लेखांसाठी आमचे अनुसरण करा आणि जग एक्सप्लोर करण्यासाठी कनेक्ट रहा मराठी रंग सोबत. चला संवाद आणि समजूतदार पणाची शक्ती स्वीकारूया.

अधिक कविता :
➥ आई तुझी ग आरती करी | Aai Ekveera Maulichi
➥ स्त्री – मराठी कविता | Marathi Kavita
➦ Shivaji Raje Ek Marathi Kavita | राजे
➦ मी अंतरीक्षीय पक्षी | Mi Antarikshiy Pakshi
➥ जय भारत – मराठी कविता । Desh Bhakti Kavita
➥ आक्रोश | Marathi Kavita on women
➦ एकटीच मी । Marathi Kavita Ekatich Mi

अधिक वाचण्यासाठी :
➥ महिमानगड | Mahimangad fort information in marathi
➦ माय मराठीशी माझे नाते । Maay Marathishi maze nate
➥ गुढी पाडवा २०२१ । Gudi Padwa 2021
➦ नांदगिरी गड |Kalyangad Fort | Nandgiri Fort
➦ इरशाळगड किल्ला । Irshalgad Fort
➥ स्मार्ट स्कूल इन्फोलिप्स.
➥ Learn What is credit card – Infolips.